Corpus:Dialogue withNM
(Redirected from Corpus:Dialogue-Mukundane Naome)
{{Source|source=recording|author=Naome Mukundane |editor=Justus Turamyomwe|title=Dialogue with NM|date/place=Kampala , Uganda, July 2010|volume/pages=|Olanguage=|ISBN=|publisher=|translanguage=|translator=|onlinedistribution=|type=conversation|annotator=Justus Turamyomwe |contributor=Justus Turamyomwe|corpustranslator=User:Justus Turamyomwe|link=|article=
Mhhh, agandi nyabo
Nigye sebo
Nibaanyeta Justus
Ndi aha kucondooza aha rurimi rwaitu rw'enzaarwa runyankore-rukiga
Nikiza kunshemeza naiwe waagambira amaziina gaawe ahi orukuruga n'orurimi oru orikugamba
Nibaanyeta Mukunde Naome, ninduga Bushenyi Ruhinda
Nyowe ninkorera hanuuya omu kitundu kya Makerere, kampala
Kampala neegamba ki? Kampala ni nungi
Mbwenushi noogishanga ota kampala?
Mhhh! ekaabaire etari mbi, obuzibu ni haaba hatariho sente
Kwonka waaba nookora orikureeba orikutaasa akasente, ...nibiba bitari kubi
Mbwenu shi emirimo yaawe neeha neegyenda eta?
Eky’okureeberaho nk'eriiizooba waimuka shaha zingahe,waakora ki, orunaku rwagyenda ruta...
Noobaasa kungambira aha bikwatireine n'ebi waakora eriizooba
Ahh...orunaku oru, naimuka omukasheeshe karekare
Shaha emwe yaashanga naimukire, naayetebeekanisa
Ab'omu kyaro, abarikukyeera kugyenda kukora, abaana b'amashomero, ahabw'okuba nibaceera Nibarahuka kugyenda aha ishomero
Naakyeera, naigura eduuka, naatebekanisa ebintu omu madaara
Naashuubura ebi ...ebi naaba niinyetaagisa kushuubura… naatandika naaguza
Niinguza eby'okurya, eby'okunywa, ebintu eby'okukozesa omuka buriijo nka shukaari, saabuuni nk'ebyo
Nikwe natandika ntyo nkaburiijo naaguza, reero nk'oku ndi aha ishomero ku yaahika bureeka
Nk'oku ndi aha ishomero ku yaahika bureeka n'abaana baija, naabaguza ,nangwa baaba batari baingi
Abaana baaba bababingiire fiizi
Naaguza , naasiibamu omu duuka nyenka
Naahika aha kuhuumura kuhika ahari kya mushana, reero nabwe baahotoka, baagura eby'okunywera ahari kyamushana n'eby'okurya ebindi eby'okwongyeserereza aha bi ishomero riri kubaha
Byagyenda kurungi
Byagyenda kurungi
Mbwenu shi obwo , ahh...omumwebazyo...omumwebazyo oine puraani ki, nooza kukora ki
Omu mwebazyo,...nimba nyine kuguza n'abandi ab'omu mwebazyo kuguza ebindi eby'okuza kukoresa omu maka obundi ekiro nka za parafiini, kanduro n'an'eby'okuraarira
Hati aho nimba nyine ku... ninza kushuuburayo ebintu ebindi ahabw'okushanga ngu ebi nyineho tibirikumara,... ninza kugurayo ebi ndaaguze hati omu mwebazyo hamwe n'ebi ndaakyeerereho ndikuguza omu kasheeshe...
Ninza kureeba ngu naaraara ntebeekaniise buri kimwe kyona,... kwenda ngu omu kasheeshe obwire butankwata
Kandi shi nyenkyakare?
Nyenkyakare...oine puraani ki?
Oine nteekateeka ki?
Nyenkyakare ninza kukyeera munonga, ninza kukyeera nka buriijo
Ninyija kukyeera ngureyo ebintu ebindi, eby'okuguza abantu, ninza kutebeeekanisa eby'okunywa bingi, ahakuba nyenkyakare hariho emikoro
Niinyija kuba nyine abantu bingi ab'okuguza...niinyija kukyera munonga kusinga buriijo oku mbiire ndi kukyeera
Niinyija kukyera ntebeekanise kureeba ngu naataho ebintu by'okuservingiraho abantu... ninza kureeba ngu nyenkyakare naayetebeekaniisiza okukora munonga
Mbwenu shi omurimo gwawe noogushanga ota?
N’omurimo murungi noogukunda...
Ni ki eki orikugukundaho
Ni buremeezi ki obu orikubugana?
Omurimo gwo ningukunda munonga ahabw'okuba nyine amasiko kugira ngu ku biraabe bigumiizemu nk'oku birikugyenda niinyija kugira ebi naafunamu...ebi naakora, nk'okugira ngu
nk'okugira ngu nimbaasa nyije nyihemu sente eziiriireyo nyombeke nk'enju...
Kandi na n'ebindi ebi naayihiremu nabyo ni bingi... nk'oku ndeebererera abaana
Kandi nabwe niimanya ngu niinyija kugumizamu ndikwihamu esente ezindi, kuheerera abaana nka fiizi
Mh.. nibyo nk'ebyo
Kwonka byo ebizibu birimu ebi ndikushangamu
Ebizibu ebi ndikushangamu obumwe hariho obu ebintu birikudiba, abasirisi baaba batariho.. bahumwire, batariho, oguma nookora ebintu nibidiba, nibisiisikara, nainga oguma nookora amagoba gatarikurugayo,... nk'ebyo.
Mwbenu omu myaka nka ikumi, oine nteekateeka ki..nooyereeba nkahi na bizinesi yaawe egi ei orikukora?
Omu myaka nka ikumi omumaisho nkaabaire ninteekateeka ngu bizinesi ngigumizemu kwonka ntakaagigumirizamu hanuuya
Nyine enteekateeka ngu omu myaka ikumi omumaisho niinyija kuba naa...naarundaineho nka esente 'capital'eiriireyo ei ndikwija kwenda ngu ngire nta... nkorese kutandikaho bizinesi endiijo erikukira ahari egi omukifo ekindi, ehhh..
Ahh!...n'ekiteekateeko kirungi ekyo
Niinyija kukora munonga kureeba ngu nk'omu myaka ikumi yaaza kuhika ninyija kuba naagizireki... naabihikiriize ebyo byona... ebyetengo
Mbwenu waaba... nooreeba enyima ahi orugire, nooreeba...nooreebaho empinduka y'amaani?
Empinduka eriho
Kakaba kari akaduuka kakye, kakaba kari omu 'structure' mbi, kakaba kari akabaaho kari 'temperora', ebintu 'ndikubishifutingamu' buri kiro ndikubitaasa omu nju ahabw'okutiina abaibi kwonka hati kandi
Kwonka hati kandi 'aleast' nindeeba hariho entunguuka naingashi empindukaho 'kubanga' hati Ka nanka nkakozesa akagumire munonga ak'ekyoma aku ndikueeba ngu ebintu nimbiraazamu kandi tinkibikiriza kubitaasa omu nju
Nindeeba hariho empinduka n'okutunguuka
yaah, Naome ni kirungi, ka nkushabire, na nyowe nikiija kushemeza naaza kugaruka nkashanga ori omu duuka mpango rugogoma
Ka twongyere kushabirana kandi n'okugira amasiko nyinekwe kugira ngu ebintu nibiza kuba gye,... ahandi webare munonga
Naanye ka nkwendeze kugumizamu emishomo yaawe kurungi, n'okugumizamu na za Research zaawe ezi orimu
kare webare
[[Category:Runyankore-Rukiga Corpus}}
Mhhh, agandi nyabo
Nigye sebo
Nibaanyeta Justus
Ndi aha kucondooza aha rurimi rwaitu rw'enzaarwa runyankore-rukiga
Nikiza kunshemeza naiwe waagambira amaziina gaawe ahi orukuruga n'orurimi oru orikugamba
Nibaanyeta Mukunde Naome, ninduga Bushenyi Ruhinda
Nyowe ninkorera hanuuya omu kitundu kya Makerere, kampala
Kampala neegamba ki? Kampala ni nungi
Mbwenushi noogishanga ota kampala?
Mhhh! ekaabaire etari mbi, obuzibu ni haaba hatariho sente
Kwonka waaba nookora orikureeba orikutaasa akasente, ...nibiba bitari kubi
Mbwenu shi emirimo yaawe neeha neegyenda eta?
Eky’okureeberaho nk'eriiizooba waimuka shaha zingahe,waakora ki, orunaku rwagyenda ruta...
Noobaasa kungambira aha bikwatireine n'ebi waakora eriizooba
Ahh...orunaku oru, naimuka omukasheeshe karekare
Shaha emwe yaashanga naimukire, naayetebeekanisa
Ab'omu kyaro, abarikukyeera kugyenda kukora, abaana b'amashomero, ahabw'okuba nibaceera Nibarahuka kugyenda aha ishomero
Naakyeera, naigura eduuka, naatebekanisa ebintu omu madaara
Naashuubura ebi ...ebi naaba niinyetaagisa kushuubura… naatandika naaguza
Niinguza eby'okurya, eby'okunywa, ebintu eby'okukozesa omuka buriijo nka shukaari, saabuuni nk'ebyo
Nikwe natandika ntyo nkaburiijo naaguza, reero nk'oku ndi aha ishomero ku yaahika bureeka
Nk'oku ndi aha ishomero ku yaahika bureeka n'abaana baija, naabaguza ,nangwa baaba batari baingi
Abaana baaba bababingiire fiizi
Naaguza , naasiibamu omu duuka nyenka
Naahika aha kuhuumura kuhika ahari kya mushana, reero nabwe baahotoka, baagura eby'okunywera ahari kyamushana n'eby'okurya ebindi eby'okwongyeserereza aha bi ishomero riri kubaha
Byagyenda kurungi
Byagyenda kurungi
Mbwenu shi obwo , ahh...omumwebazyo...omumwebazyo oine puraani ki, nooza kukora ki
Omu mwebazyo,...nimba nyine kuguza n'abandi ab'omu mwebazyo kuguza ebindi eby'okuza kukoresa omu maka obundi ekiro nka za parafiini, kanduro n'an'eby'okuraarira
Hati aho nimba nyine ku... ninza kushuuburayo ebintu ebindi ahabw'okushanga ngu ebi nyineho tibirikumara,... ninza kugurayo ebi ndaaguze hati omu mwebazyo hamwe n'ebi ndaakyeerereho ndikuguza omu kasheeshe...
Ninza kureeba ngu naaraara ntebeekaniise buri kimwe kyona,... kwenda ngu omu kasheeshe obwire butankwata
Kandi shi nyenkyakare?
Nyenkyakare...oine puraani ki?
Oine nteekateeka ki?
Nyenkyakare ninza kukyeera munonga, ninza kukyeera nka buriijo
Ninyija kukyeera ngureyo ebintu ebindi, eby'okuguza abantu, ninza kutebeeekanisa eby'okunywa bingi, ahakuba nyenkyakare hariho emikoro
Niinyija kuba nyine abantu bingi ab'okuguza...niinyija kukyera munonga kusinga buriijo oku mbiire ndi kukyeera
Niinyija kukyera ntebeekanise kureeba ngu naataho ebintu by'okuservingiraho abantu... ninza kureeba ngu nyenkyakare naayetebeekaniisiza okukora munonga
Mbwenu shi omurimo gwawe noogushanga ota?
N’omurimo murungi noogukunda...
Ni ki eki orikugukundaho
Ni buremeezi ki obu orikubugana?
Omurimo gwo ningukunda munonga ahabw'okuba nyine amasiko kugira ngu ku biraabe bigumiizemu nk'oku birikugyenda niinyija kugira ebi naafunamu...ebi naakora, nk'okugira ngu
nk'okugira ngu nimbaasa nyije nyihemu sente eziiriireyo nyombeke nk'enju...
Kandi na n'ebindi ebi naayihiremu nabyo ni bingi... nk'oku ndeebererera abaana
Kandi nabwe niimanya ngu niinyija kugumizamu ndikwihamu esente ezindi, kuheerera abaana nka fiizi
Mh.. nibyo nk'ebyo
Kwonka byo ebizibu birimu ebi ndikushangamu
Ebizibu ebi ndikushangamu obumwe hariho obu ebintu birikudiba, abasirisi baaba batariho.. bahumwire, batariho, oguma nookora ebintu nibidiba, nibisiisikara, nainga oguma nookora amagoba gatarikurugayo,... nk'ebyo.
Mwbenu omu myaka nka ikumi, oine nteekateeka ki..nooyereeba nkahi na bizinesi yaawe egi ei orikukora?
Omu myaka nka ikumi omumaisho nkaabaire ninteekateeka ngu bizinesi ngigumizemu kwonka ntakaagigumirizamu hanuuya
Nyine enteekateeka ngu omu myaka ikumi omumaisho niinyija kuba naa...naarundaineho nka esente 'capital'eiriireyo ei ndikwija kwenda ngu ngire nta... nkorese kutandikaho bizinesi endiijo erikukira ahari egi omukifo ekindi, ehhh..
Ahh!...n'ekiteekateeko kirungi ekyo
Niinyija kukora munonga kureeba ngu nk'omu myaka ikumi yaaza kuhika ninyija kuba naagizireki... naabihikiriize ebyo byona... ebyetengo
Mbwenu waaba... nooreeba enyima ahi orugire, nooreeba...nooreebaho empinduka y'amaani?
Empinduka eriho
Kakaba kari akaduuka kakye, kakaba kari omu 'structure' mbi, kakaba kari akabaaho kari 'temperora', ebintu 'ndikubishifutingamu' buri kiro ndikubitaasa omu nju ahabw'okutiina abaibi kwonka hati kandi
Kwonka hati kandi 'aleast' nindeeba hariho entunguuka naingashi empindukaho 'kubanga' hati Ka nanka nkakozesa akagumire munonga ak'ekyoma aku ndikueeba ngu ebintu nimbiraazamu kandi tinkibikiriza kubitaasa omu nju
Nindeeba hariho empinduka n'okutunguuka
yaah, Naome ni kirungi, ka nkushabire, na nyowe nikiija kushemeza naaza kugaruka nkashanga ori omu duuka mpango rugogoma
Ka twongyere kushabirana kandi n'okugira amasiko nyinekwe kugira ngu ebintu nibiza kuba gye,... ahandi webare munonga
Naanye ka nkwendeze kugumizamu emishomo yaawe kurungi, n'okugumizamu na za Research zaawe ezi orimu
kare webare
[[Category:Runyankore-Rukiga Corpus}}