Difference between revisions of "Corpus:Enjangu ya Smooni"

{{Source|author=[[User:Misah Natumanya]]|publisher=|date=02.03.2011|place=www.typecraft.org|editor=[[User:Misah Natumanya]]|translator=[[User:Misah Natumanya]]|type=collection|annotator=[[User:Misah Natumanya]]|contributor=|article=Nitureeba enjangu erikutemba aha meeza erikwat kyayi. <br>Eriyo neetemba  neeharabamba etaara, nayo nayo ekagyata.<br> Baitu obwo erikugyezaho kukwata eshohera ahabwokushanga ekaba eine enjara.<br>Nitureeba erikwetooroora mukama waayo owaabaire ashutami aha ntebe agwejegyeire obwo erikwirukanjya eshohera .<br>Nabwanyima nitureeba enjangu erikucwa orutimbi orwabaire ruri aha rwigi ahi eshohera yaabaire eteekamire.<br>Bwanyima nitureeba enjangu erikukwata eshohera ekagita ahansi ekagyezaho kugihondahonda n’ebyara. Nabwanyima ekatandika kuzaana nayo.<br>Nitureeba erikuza ahansi ya ekitabo kuringuriza eshohera egyo eyaabaire neeshusha nk’efiire.<br>Nabwanyima ekakwata eshohera egyo ekagita aha kifuba kya mukama waayo Simon erikugyezaho kumwimusya kumworeka eki yaakwata.<br>Bwanyima  nitureeba erikukwata eshohera egyo ekagita omu kanwa ke, ahi Simon yaimukiire aha ntebe akeekunkumura atarikumanya ni ki ekyabaho.<br>Ku yaagiire kuhurira akashanga yaamizire eshohera<br>Nabwanyima nitureeba Simon arikugyezaho kwihayo kutanaka eshohera, kwonka ekangirayo.<br>Reero nituhurira eshohera erikumugambira omunda kandi obwo kapa yaabaire neeyenda kugirya.<br>Aho niho akatambi karikuhwerayo.<br><br>Omu katambi  aka enjangu ya Simon , nitureeba enjangu erikugurukyeza erikwirukanga  omu kishengye kyona erikugyezaho kukwata eshohera.}}