Corpus:Excepts from the novel ''Abagyenda Bareeba''
| Source | written material |
|---|---|
| Author/Creator/Speaker(s) | Benedicto.K. Mubangizi |
| Title | Abagyenda Bareeba |
| Original language | Runyankore-Rukiga |
| Date/Place | 24-01-2012 |
| Publisher | Omuhanda Gw'okumanya |
| Annotator | Misah Natumanya |
| Contributor | Misah Natumanya |
| Corpus translator | Misah Natumanya |
| Link to the annotated dataset | http://typecraft.org/TCEditor/1738/ |
Amarira nkaba ntakigatanga, naatandika kugahonooza engaro,ntakiine na gagarukamu ebindi ebi naabaire ninkibuuzibwa
Bwanyima bambuuza ekirikundiza mbagambira ku ebintu biri ebya Byabazaire.
Ahabw'abapuriisi kutunga ebintu n'obuhandiikye ebirikworeka gye ku Byabazaire yaafiire, kandi ku atari nyakwita muntu.
Bakahika aha kumariirira ku niinye ndi ow'okwemereraho nyenka kutonganisibwa okufa kw'omwishiki.
Naakeemereramu akashanduukye kutongana n'omufu owaabaire yaaherize kwejundira kare omu kituuro kye.
Reero omuramuzi yaija yaashutama omu kitebe kye ajwaire ebirikworekyera kimwe eshagama y'okufa; amaisho ge gataine mbabazi zirikwingana busha.
Bwanyima ku naabaire ngwereire aha nju y'omuganda kuhurira ebirikugambwa aha rediyo yamwo, naahurira ku haakwatsirwe omwojo w'omunyankore orikwetwa Yakobo Bindeeba.
Angira ti ku turaareebe yaarugamu, na boyoofiisi agyenzire nawe, nk'oku ashangwa amutwara obundi tuzemu twihemu obusente bw'okurya.
Mmubuuza ahantu aihire akashumuruzo ako, ambuuza anti iwe ekyo okifiireho ki?
Kuriya ei yaanywereire amaarwa, akagarukayo kubuuza, kwonka tibirabonekire.
Tutyo tutaaha owe Kibuli
.
Ebishumuruzo eby'omushamata abiiha omu bunyaasi bw'enju bu yaabaire abisherekiremu
.
Aiha n'akakye omu karugu, akagarura aha bingi ebyabaire biine omukuufu gurikurengyeera,byona abinkwasa.
Ku naahikire aha kaju kaitu, naashanga orwigi rwigwire,
kwonka hatarikuteerezamu muntu kandi hatarimu kyererezi
kyona nk'oku bwabaire nibuza kuba nka shaaha ibiri z'ekiriro
.
Naayeta haabura owaanyetaba.