Corpus:Anansi and Turtle in Runyankore Rukiga Corpus
| Source | written material |
|---|---|
| Author/Creator/Speaker(s) | Joy Kabibi |
| Editor/Recorded by/Broadcaster | Joy Kabibi |
| Title | Anansi and Turtle in Runyankore Rukiga |
| Original language | Runyankore Rukiga |
| Date/Place | o4 June, 2013 at NTNU Dragvoll |
| Publisher | Joy Kabibi |
| Translation language | English |
| Translator | Joy Kabibi |
| Type | fable |
| Annotator | Joy Kabibi |
| Contributor | Joy Kabibi |
| Corpus translator | Joy Kabibi |
| Link to the annotated dataset | http://typecraft.org/TCEditor/2243/ |
Eizooba rimwe Anansi ekitangura akiiha amayuuni mahango ganuzire omu musiri gwe
day one Anansi the-spider picked yams big sweet in garden his
Yagateeka gye garugamu nigahumura kurungi.
Akaba atakurinda kushitama ahansi akagarya.
Ago magingo yahurira kodi aha rwigi rwe.
Akaba ari akanyankogote,owabiire natambura eizooba ryoona ayine enjara noburuhe.
Naba nintambura eizooba ryoona nahumurirwa amayuuni.
Nobaasa kubagana nanye ekihuro kyawe.
Anansi akaba atakubasa kwanga ahabwokuba omu micwe yihanga ryaabo nibakunira
abagyenyi .
Konka akaba atashemerirwe ahakuba ayine omururu.
Yashara amagyezi gokurya wenka.
Tahaamu Kanyankogote.
Nakushemererwa tunga akatebe aho.
Kanyankogote yatahamu yashitama kuyakununkirira ebyokuurya anansi yayamuza.
Kanyankogote tokuza ahameeza nengaaro z’endofa.
Kanyankogote yimuka yaaza ahamugera kunaba engaro ze.
Yagaruka yashanga Anansi yaatandikire kurya.
Naba ntarikwenda kurinda ngu ebyokurya bihore.
Kanyankogote yaashitama.
Kuyaza kurya ebyokurya Anansi yagaruka yayamuza ngu engaro za turtle n’endofa.
Yagarukayo yanaba yeija natamburira aha binyantsi ngu zitarofahara .
Yashanga Anansi yaherize kurya.
Kanyankogote yamureeba yamugira ati webare.
Konka nanye koriija owangye ndyakukunira.
Yagumizamu emihanda ye.
Ebiro byahiingura, Anansi yaaza owa kanyankogote kutayaya.
Yashaanga Kanyankogote nayoota akashana aha nkungu yomugyera omumwebazyo.
Kanyankogote kuyamurebiire yamuramutsya .
Weija kurya nanye ekyihuro kinakuraganiise
Ego, Anansi yamugarukamu.
Kanyankogote yaaraba ahansi yameizi yaaza omunju ye kutebekaniisa emeeza
yibarariireho.
Yagaruka ahankuungu yaamweta ngu ayije barye.
Yibiira nawe yatandiika kurya ebyokurya bye mpora.
Anansi yaaguruka yaaza omu meizi konka tiyahika ahansi.
Yaagyezaho kooga byayanga yaguma aheiguru yameizi.
Yaagyezaho kwibiira yaaremwa.
Kanyankogote yagumizamu naarya.
Anansi yaroonda amabaare yagaata omu jaketi ye.
Kuyibiire omumeizi yahiika ahansi yashitama aha meeza.
Kuyagiire kukwata ebyokurya Kanyankogote yamuggira ati.
Titukujwaara jaketi twaba niturya .
Kuyagijuura ameizi gamunaga aha nkungu.
Kuyaringuriize omu meizi yareeba Kanyankogote namaraho ebyokurya.
Kori kwehindura omunyabwenge, manya ngu hariho abari kubukukiza.