Corpus:Dialogue with WB

Source information

Source	recording
Author/Creator/Speaker(s)	Justus Turamyomwe with WB
Original language	{{{Olanguage}}}
Translator	Justus Turamyomwe
Type	audio source
Annotator	User:Justus Turamyomwe
Contributor	WB
Link to the annotated dataset	http://typecraft.org/TCEditor/1266/

Agandi muzeeyi
Ni gye
Hari tukaija hanu ebiro bingahe?
Tukaija ebiro 18 rwaba ruri Orwakashatu
Mwaka ki ogwo?
2001
Reero muzeeyi orunaku orwo okarwetebeekaniisiza ota?
Muraza kufuruka?....
Otakaafayo, ogambe ebi waabona…
Nkateekateeka nkaareeba eitaka ryangye rya Kabale ryaba rikye
Ku naareeba ryaba rikye naareeba naatunga puraani y’okwija omu
Naija omu kicweka kya Tooro omu seeru ya Rwenyonyozi…naahikira ow’omushaija Kapaasi, yantwara owa Livancha, naija naagura hanu
Ku naaguzire hanu naahagura miriyoni emwe n’emitwaro makumi abiri, naashuba naareeba nti ku ntaamamarwa , naashuba naaguraho ekyemitwaro 50.
Naareba nti tinaamarwa naashuba naaguraho ekyemitwaro 60
Ti naaba gye, naashuba naagura ekyemitwaro 25, reero kuruga aho naagura ente ibiri naakora faamu, naasiba singyengye.
Ebyo biro ebyo naakwatwa endwara
Kwonka ntakarwere, naayombeka enju, naagishakaara ibaati
Naayombeka eya kabiri naagishakaara ibaati reero abaana bangye abaaba batakataahize reero nanka Wellen naamuha omukazi
Naashuba owooramukurata naamubonera ondiijo mukazi baahika babiri.
Reero kandi ekindi nabwo, ondiijo nawe naamushwererera , naagumisiriza ntakamazire reero ondiijo oramukurata naamuha omukazi.
Naaba nyineho omuhara naamuhingira
Twagumisiriza
Obwo ku naahisya aho mpaho naakwatwa endwara naahwamu amaani.
Ku naarwaire naakora ogwokuza omu irwariro.
Omu irwariro kunaagiiremu naahisya ahagati naaguma ndazamu ndagarukamu ndagarukamu.
Nkabanza Virika, naarugayo naaza Buhinga, naarugayo naaza Kisiizi, naarugayo naaza Kampala, naagaruka Virika.
Ku naagarukire Virika, nkarwara, nkarwaara naakaba, abantu bakahurura.
Bakaba baanyiha aha senta nibwe naareebire Yesu naayereeza emikono, nti nyakiira nti nyakiira
Yaaguma arandeeba naagira ntiiya emikono yaaguma arandeeba nk’oku nshutami ndareebana naawe
Reero okugaruka enyima nkagarukayo ndeeshongora saayuni omu iguru, sayuuni omu iguru.
Mukurugayo nkaba ndi n’ogu mpaha
Akambuuza ngu ndi nkahe, naagira nti ndi Butunduuzi, yaahunama yaashutama yaahurikayo yaagaruka yambumbuuza ati turi nkahe?
Nti turi Butunduuzi, kyo obwe yaabihwaho.
Naaguma okwe nyaami, ku naarugireyo omukasheeshe niho naareebire amashanyarazi
Ku naareebire amashanyarazi, nti kyo, hati ndi Virika neejire kunu ryari?
Ku naabwine barantwara kuriiya neejireyo nta, kuri naarugireyo nteeya?
Niho naabeere ndagumisiriza, omu kasheeshe ndabona, zaaziri nka shaha ibiri z’akasheeshe, ndabona mwene taata Beesesa araija, yanshanga omu wooda yaagumisiriza, yaaza kurabaho arashoohora naagira bati, naateera omu ngaro
Yaahinduka ati ku niiwe naaba ndikureeba?
Ku bangizire ngu waafiire
Ku naaba ndi kubuuza abarwarisa ku naaba ndikumanya ngu tokyariho?
Baasi, nti obu waanshangaho nti baasi
Kare, ati naaza kugarukayo kugambira ab’omuka
Nti reka babanze bareete eby’okurya tubanze twarya.
Ndaija, ndahika Rweibaare ou naabandize kubugana ni Wellen ari na Mugufu
Ku baareebire motoka yaayemerera eeh! ngu Ruhanga ayebare
Nti ku baagira ngu Ruhanga ayebare? ngu owaitu kiri kubi! Ngu owaitu kiri kubi.
Ndaija twaba twahika aha siteegi y’oku mpaha hariyo siteegi y’okubanza twaruga Rwebaare nshanga abantu bakanyire mbwenu bari aha nkuuto
Abo baabari kugira ki?
Abaabatwire na Beesesa ogwe na mwene maawe bari aha nkuuto aho, emotoka ereemerera,
Ku baareebire… obwe barikurira, abamwe baabakurira, ngu niiwe?,
Ngu mukama ayebare.
Nti mukama ayebare naafiire pehe?
Baza kunkurura bashuba bareka.
Ee neeja, ku naahikire ahari Butunduuzi hariiya,
Bakutiinire shi?
Obundi baragira ngu…
obwo baabagizire ngu ku yaafiire, yaafiire, bo baijire barikureeba omurambwe kwonka ku baashangire ahuriire baija n’amashemererwa goona.
Ku naahikire ahari Butunduuzi, emotoka ereemerera obwe ku baabarareebaga emotoka ereemerera baija kureeba omufu!
Nti nyowe naafiire!
Kare naanaahika aho emotoka ereemerera, mh abantu baraija baranta hagati, reero omu ku nterura omu motoka baabanyine omu mwanya kusha
Baranta nka hari, baraguma baraanyomberera ndahurira ekyaro kyansiga
Nti kyo ni munte omwa Gilivazi mbe nshutamimu, reero ndashutamamu,
Baraija kwenda engozi, baraija barandeeta.
Nkashanga omu kibuga omu abantu mbwenu.. boona aboomunooya!!
Niho naareebire nti obu mureebaga omuntu arafa haza bakarira, kubaga kuri okuhendeka!
Kunu oraba oyegaramiire
Nkaba hataine eki ndateekyereza
Tihaine eki waabaire oramanya?
Tihaine eki naandamanya
nkaba ngarami, ntarateekyereza ngu okufa kuriho ndaaha ndi mu mwanya kusha.
Kare naagumisiriza aho, niho naagumire ndazayo ndagaruka
Kwonka obusingye burungi ago marwariro nk’oku naaba naanakubariire, naagagyendiremu, owaanyambire ni Tayebwa.
Tayebwa we ogizire ngu ndamureeba ngu atwire nka Butunduuzi okwe, nk’eri nte noogifunyize nti egi nte naagikuha.
Eehh, buzima! Ahakuba niwe yaayambire amagara gaawe
Niwe yanyambire
Mbwenu ku yaayazengire yaaruhire? Obu yaaraza Kampala!
Mbwenu ezo sente mazima, obwe omufumu ari haihi.
Ari haihi
Kandi mwana we Ruhanga akaba ampangire nyine sente!
Nantari mworo,
Eehh!! actually k’ogira ngu okaba ori omworo, okaba otarabaasa ahakuba okashohoza sente nyingi
Nkashohoza sente mwana we!
Ehh, so hatiiya orahuurira…?
Butiiya, waateera ekizino ndakiguruka
Orazina ekikiga…hahahahaha ngaaha, ekikiga orakiguruka buzima?
Mpaagire akashera ka bazaayaka?
Hogira ngu waizire eri esande okareeba oku ndeehuuba omu kanisa okareeba.
Mukama ayebare bambe,
Kandi oraba otairemu… ebyo byoona baabishumuurura nibwo arahurira.
Bazaayaka!!! Ehh!!!Mukama ayebare.
Oihireho endwara ekyaro murakishanga muta hatiiya?
Hati.. ekyaro eki turimu, ekyaro mbwenu ku naahikire naahinga… naahinga ebicoori n’ebiriibwa.
Eki nkumanyiisa hatiiya, mwamanyiriire?
Turi abataka, turi abataka hatiiya.
Ebya Kabaare tukabyeebwa, orutookye orarureeba ku nduhingire, kwonka ti waaryamu bambe waashanga ruhuubire?
Ndaija kugaruka ndarya ebitookye , obu naamanya omuhanda.
Okweza mureeza gye?
Tureeza gye, Omushana nigwo guratuteganisa kwonka tituri abooro kugira ngu turi abooro.
Mukama ayebare.
Orareeba ebiro by’omumaisho biboneire?
Ee..ebiro by’omumaisho mbwenu mukama ku niwe aramanya
Amagara go agatuhaire,araza kuguma agatuhaire,
Okufa n’okuhungira.
Toine nka puraani endiijo omu biro by’omu maisho, kuruga hatiiya nk’omu mwaka oguraije…
Baitu iwe tooramanya ebiro by’omumaisho?
Nka omwaka ogu oine puraani ki?
Omwaka ogu, nookubaire ndiho mbwenu, nookubaire ndahinga ntunga esente, kuri ndatunga sente nibwe nooreebire eky’okukora.
Ahandi.. n’amagara mbwenu.
Ahandi tinyine nshonga.
Iwe shi oine puraani ki?
Nyowe, puraani ezi nyine ti nyingi shi…!
Nka hati nyowe kyokubiire kirabaasika noobiire ndi n’aha ruguuto ndikukora bodaboda ahari piki.
Ti noobiire nshutami naaha.
Kwonka aha mwaaka oryagitaasamu.
Aha mwaka mpaka ndaija kugura piki.
Nooteekateeka kwija.. kwija kugura piki hatakahweireho n’emyaka…
N’omwaka gumwe n’ekicweka gutakahweire ndaba naaguzire
Oravugireho piki?
Eehh piki ndavuga.
Oraba otiirize mu z’abandi?
Ndavuga mu zaabanywani bangye kusha.
Zirafuna munonga?
Tihaine ekirafuna nka piki.
Waaba ori ahari piki tokaaburwa sente aha shaho.
Oraba oine ez’okurya n’ezo kutaasa omu ka buri kimwe kyona oraba oine.
Mhh naanaareeba abashaija… nambwenu omushaija wa motoka yaabakora kubi
Baaba baatwetoroire baramanya ngu baaza kunoga sente.
Hahaha! ku baaba bari aho baareeba nanka baareeba owa takisi baatandika kumubingira hare? Baratubaiha ngu arikuza Kyenjojo
Ku twamubuuza ati ndaza Butunduuzi.
Ee kandi shi waaza kutureka aha mpaho atyo agira ati….ati mwije tugyende.
Tuti oraza Kyenjojo aba ku baragira ngu oraza Kyenjojo kandi iwe ka nootugambira Butunduuzi?
Ati ndaza Butunduuzi mwije tugyende.
Ningira yaaa.. hari hantu harakora, waaba oine piki aha siteegi hariiya,, ahakuba motoka ni nkye.
Ziraba zikanyire, tizikagiireho n’ogwe nawe nibwo agiguzire
Taawe zikanyire hariho motoka ina za takisi, kwonka obubanda nabwo buriho, bwa special.
Omu myaka nk’etaano nooreeba….
Omu myaka etaano yoona?..
Gamba omwaka nka gumwe..
Piki yo oraza kugibona..
Ni kishushani ki eki oreereebamu omu myaka.. omu biro by’omumaisho?
Ndeereeba kuba ndi omuntu w’amaani
Nka Ruhanga yaaba andekireho, naanye ndaba ndi bigyodoro, ndaba ntari owa kikumi kikumi
Okurugiirira oku ndaba ndiireeba hati, na hati tindi waakuzaanazaana munonga.
Eki kiragaruzamu amaani, noomanya waaba otaine masiko tihaine eki wooyegatsira
Nikyenda ngu ogume oine amatsiko, oine amatsiko
Amasiko na hati ngaine.
Mwebare kubaho n’okukora munonga.
Mhh… nkaija ndabweerabwera nti naaruga Kabale
Oku nandakunda ekanisa ahabw’enki naija kunuuya hoona ndyabugana ekanisa naanye mbe omuntu?
Kwonka ku ndateekyerezaga ekiteekyerezo kisyooya, kinteera… kureeba nk’ekanisa yaitu ya Butunduuzi ei yaahika..ee naareeba mwine ekanisa nungi.
Ti naagihikamu kwonka naareeba yaaba ehweire gye eraza kubonera.
Tu giine gye, embeera ezi erimu teri kubi.
Teri kubi.
Aha Abakiga shi ahi beeteeraniire?
Abakiga twatumanyaga kwombeka.
Abakiga barakora
Buri sande n’okwombeka buri sande n’okwombeka.
Mhh, yaah, ni kirungi dara, haza ekyo kindeeta nti mukama ayebare.
Mhh mhh kare kare, mwebare, mhh, mhh.