Difference between revisions of "Corpus:Dialogue withNM"

{{Source|author=|publisher=|date=|place=|editor=|translator=|type=collection|annotator=Justus Turamyomwe |contributor=Naome Mukundane|article=Mhhh, agandi nyabo<br>Nigye sebo<br>Nibaanyeta Justus<br>Ndi aha kucondooza aha rurimi rwaitu rw'enzaarwa runyankore-rukiga<br>Nikiza kunshemeza naiwe waagambira amaziina gaawe ahi orukuruga n'orurimi oru orikugamba<br>Nibaanyeta Mukunde Naome, ninduga Bushenyi Ruhinda<br>Nyowe ninkorera hanuuya omu kitundu kya Makerere, kampala<br>Kampala neegamba ki? Kampala ni nungi<br>Mbwenushi noogishanga ota kampala?<br>Mhhh! ekaabaire etari mbi, obuzibu ni haaba hatariho sente<br>Kwonka waaba nookora orikureeba orikutaasa akasente, ...nibiba bitari kubi<br>Mbwenu shi emirimo yaawe neeha neegyenda eta?<br>Eky’okureeberaho nk'eriiizooba waimuka shaha zingahe,waakora ki, orunaku rwagyenda ruta...<br>Noobaasa kungambira aha bikwatireine n'ebi waakora eriizooba<br>Ahh...orunaku oru, naimuka omukasheeshe karekare<br>Shaha emwe yaashanga naimukire, naayetebeekanisa<br>Ab'omu kyaro, abarikukyeera kugyenda kukora, abaana b'amashomero, ahabw'okuba nibaceera Nibarahuka kugyenda aha ishomero<br>Naakyeera, naigura eduuka, naatebekanisa ebintu omu madaara<br>Naashuubura ebi ...ebi naaba niinyetaagisa kushuubura… naatandika naaguza<br>Niinguza eby'okurya, eby'okunywa, ebintu eby'okukozesa  omuka buriijo  nka shukaari, saabuuni nk'ebyo<br>Nikwe natandika ntyo nkaburiijo naaguza, reero nk'oku ndi aha ishomero ku yaahika bureeka<br>Nk'oku ndi aha ishomero ku yaahika bureeka n'abaana baija, naabaguza ,nangwa baaba batari baingi<br>Abaana baaba bababingiire fiizi<br>Naaguza , naasiibamu omu duuka nyenka<br>Naahika aha kuhuumura kuhika ahari kya mushana, reero nabwe baahotoka, baagura eby'okunywera ahari kyamushana n'eby'okurya ebindi eby'okwongyeserereza aha bi ishomero riri kubaha<br>Byagyenda kurungi<br>Byagyenda kurungi<br>Mbwenu shi obwo , ahh...omumwebazyo...omumwebazyo oine puraani ki, nooza kukora ki<br>Omu mwebazyo,...nimba nyine kuguza n'abandi ab'omu mwebazyo kuguza ebindi eby'okuza kukoresa omu maka obundi ekiro nka za parafiini, kanduro n'an'eby'okuraarira<br>Hati aho nimba nyine ku... ninza kushuuburayo ebintu ebindi ahabw'okushanga ngu ebi nyineho tibirikumara,... ninza kugurayo ebi ndaaguze hati omu mwebazyo hamwe n'ebi ndaakyeerereho ndikuguza omu kasheeshe...<br>Ninza kureeba ngu naaraara ntebeekaniise buri kimwe kyona,... kwenda ngu omu kasheeshe obwire butankwata<br>Kandi shi nyenkyakare? <br>Nyenkyakare...oine puraani ki? <br>Oine nteekateeka ki?<br>Nyenkyakare ninza kukyeera munonga, ninza kukyeera nka buriijo<br>Ninyija kukyeera ngureyo ebintu ebindi, eby'okuguza abantu, ninza kutebeeekanisa eby'okunywa bingi, ahakuba nyenkyakare hariho emikoro<br>Niinyija kuba nyine abantu bingi ab'okuguza...niinyija kukyera munonga kusinga buriijo oku mbiire ndi kukyeera<br>Niinyija kukyera ntebeekanise kureeba ngu naataho ebintu by'okuservingiraho abantu... ninza kureeba ngu nyenkyakare naayetebeekaniisiza okukora munonga<br>Mbwenu shi omurimo gwawe noogushanga ota? <br>N’omurimo murungi noogukunda...<br>Ni ki eki orikugukundaho<br>Ni buremeezi ki obu orikubugana?<br>Omurimo gwo ningukunda munonga ahabw'okuba nyine amasiko kugira ngu ku biraabe bigumiizemu nk'oku birikugyenda niinyija kugira ebi naafunamu...ebi naakora, nk'okugira ngu<br>nk'okugira ngu nimbaasa nyije nyihemu sente eziiriireyo nyombeke nk'enju...<br>Kandi na n'ebindi ebi naayihiremu nabyo ni bingi... nk'oku ndeebererera abaana<br>Kandi nabwe niimanya ngu niinyija kugumizamu ndikwihamu esente ezindi, kuheerera abaana nka fiizi<br>Mh.. nibyo nk'ebyo<br>Kwonka byo ebizibu birimu ebi ndikushangamu<br>Ebizibu ebi ndikushangamu obumwe hariho obu ebintu birikudiba, abasirisi baaba batariho.. bahumwire, batariho, oguma nookora ebintu nibidiba, nibisiisikara, nainga oguma nookora amagoba gatarikurugayo,... nk'ebyo.<br>Mwbenu omu myaka nka ikumi, oine nteekateeka ki..nooyereeba nkahi na bizinesi yaawe egi ei orikukora?<br>Omu myaka nka ikumi omumaisho nkaabaire ninteekateeka ngu bizinesi ngigumizemu kwonka ntakaagigumirizamu hanuuya<br>Nyine enteekateeka ngu omu myaka ikumi omumaisho niinyija kuba naa...naarundaineho nka esente 'capital'eiriireyo ei ndikwija kwenda ngu ngire nta... nkorese kutandikaho bizinesi endiijo erikukira ahari egi omukifo ekindi, ehhh..<br>Ahh!...n'ekiteekateeko kirungi ekyo<br>Niinyija kukora munonga kureeba ngu nk'omu myaka ikumi yaaza kuhika ninyija kuba naagizireki... naabihikiriize ebyo byona... ebyetengo<br>Mbwenu waaba... nooreeba enyima ahi orugire, nooreeba...nooreebaho empinduka y'amaani?<br>Empinduka eriho<br>Kakaba kari akaduuka kakye, kakaba kari omu 'structure' mbi, kakaba kari akabaaho kari 'temperora', ebintu 'ndikubishifutingamu' buri kiro ndikubitaasa omu nju ahabw'okutiina abaibi kwonka hati kandi<br>Kwonka hati kandi 'aleast' nindeeba hariho entunguuka naingashi empindukaho 'kubanga' hati Ka nanka nkakozesa akagumire munonga ak'ekyoma aku ndikueeba ngu ebintu nimbiraazamu kandi tinkibikiriza kubitaasa omu nju<br>Nindeeba hariho empinduka n'okutunguuka<br>yaah, Naome ni kirungi, ka nkushabire, na nyowe nikiija kushemeza naaza kugaruka nkashanga ori omu duuka mpango rugogoma<br>Ka twongyere kushabirana kandi n'okugira amasiko nyinekwe kugira ngu ebintu nibiza kuba gye,... ahandi webare munonga<br>Naanye ka nkwendeze kugumizamu emishomo yaawe kurungi, n'okugumizamu na za Research zaawe ezi orimu<br>kare webare<br>}}